الرئيسية
البوابة
أحدث الصور
التسجيل
دخول
________________________________________
غرني بالأمل وقتي
وضاعت مني سنيني
أحسب الدنيا مثل أمي
أزعلها وتراضيني
ـــــ
أبكي قصيده وأشبك البيت بالبيت
وأشكي قوافي الليل من كل ضيقه
وأدخل في بحور الشعر لامن تجليت
وأغوص في وسط البحور العميقه
في حبكم لاني بحي ولا ميت
كني كسير الطير ماله طريقه
ـــــ
الزمن يفرض سؤال كل إجاباته محال
السعادة شيء واضح ولامن وحي الخيال
كلنا محد سلم من تعاسه أو ألم
بس من هو اللي فينا من وسط قلبه أبتسم
أنا مو قصدي تشاؤم ولابجراحك أساهم
أنا من قلبي أحاول ألقى بس إنسان فاهم
ـــــ
غربة عمر وفراق ناس عزيزين
وجهي لنجد ودمعتي وسط عيني
لولا الكفر عاكست درب المصلين
وصليت يــــــم نجد لو ركعتيني
ـــــ
أول نهاري دمع عيني عصيته
وتالي نهاري دمع عيني عصاني
أنا الذي من بد حيي هويته
وهو الذي من بد حيي هواني
أنا الذي سم العقارب سقيته
وهو الذي سم الأفاعي سقاني
الله يلعن والدي إن نسيته
والله يلعن والديه إن نساني
ـــــ
دخلت بالحب تصنيفه ورد إعتبار
وأجتزت كل المراحل مرحله مرحله
غلطان توي عرفت إن المحبة دمار
تأثر على حاضر العاشق ومستقبله
سويت مثل العرب الأفغان في قندهار
إن حاربوا مشكل وإن عودوا مشكله
ـــــ
صرت أنا للحب والدمعة أسير
في حياتي يوم راحة ماظهر
مظهري جنه ومضموني هجير
مرقدي تمثيل والواقع سهر
جيت يمك وأنت عزمت المسير
صرت ضدي مع صواديف الدهر
الوداع فراق والموقف مرير
والعزى ماضيك والحاضر قهر
ـــــ
من مواني الليل لعيونك سريت
ودمعتي تحلف علي أهلها
كم بكيت بداخلي لو مابكيت
كبرت همومي وقلبي شلها
كم تناسيتك ولكن مانسيت
لو تغيب الشمس يبقى ظلها
بأنتهي بك مثل مافيك أبتديت
وماسوت عزة زماني وذلها
ـــــ
أنا بدوي وبعيشتي ماتنعمت
ورمز البداوه سيف وللكيف دله
محبوبتي صحراي في حبها همت
أعشق سهلها والرجوم المطله
يكفي إني من البداوه تعلمت
إن الركوع لغير ربي مذله
________
من العين دمعها دايم تهله
والسبب من حب غرو ماصفالي
مترف مملوح فيه الزين كله
كامل حسنه وللرب الكمالي
قلبي المسكين بيدينه يتله
تل جمس بين كثبان الرمالي
حبل وصله شربكه وأزريت أحله
أشهد أنه من قويات الحبالي
ـــــ
أنا الذي من شوف الأحباب محروم
والله يكافي شر زلات الأقدام
قبل أمس مع ربعي سواليف وعلوم
واليوم طاويني هواجيس وهيام
أضحك ضحى قبل أمس وأبكي ضحى اليوم
ياسرع دورات الليالي والأيام
ـــــ
لو هو على زينك بنلقى صبايا
المشكلة في الحب تعمى البصاير
أولاد ناس ولا نحب الوصايا
كلن يرى مفسه يعادل عشاير
ـــــ
شكواك للي طالبه مابعد خاب
ودعواي لك يالله تطول سنينه
كم واحد من الحب منصاب
الحب قاتل ماأحد يقدر يدينه
يادمع عيني لمن تغرب ومن غاب
ياشيب عيني لمن يفارق ضنينه
قلبي عذلته لكن القلب ماتاب
والحب تلعن ساعته وسنينه
ـــــ
أبشتكيلك دامك أعز الأصحاب
شكوى جريح يبتسم من ونينه
القلب ياخلي جريح ومنصاب
خلا دموع العين تنزف حزينه
على هنوف صكوا دونها الباب
من عقب ماحنا ظنين وظنينه
حلفت ماأنساها ولو فوقي تراب
وأنا بوسط القبر لأقول وينه
ـــــ
الليالي شرهتني ودنياي أمحقاء
بين كتمان الحقايق وشرهات الرفيق
والله أني ماتوقعت مدري ماهقاء
ينخدع فيني صديق وغيره في حريق
مستعد أقضي العمر من دون أصدقاء
بس ماأخون الصداقه ويجفاني صديق
ـــــ
مافيك عيب إلا قلبك متيني
وتصد عني والصدود القطيعه
إن كان واصلني فهذي يميني
مبسوطه لك والمواصل شريعه
وإن كان قاطعني يبالله يعيني
مر الفراق ولا حلاوة خديعه
لكن صبري والرجاء واليقيني
وسيلتي عن كل بلوى وجيعه
ـــــ
كان ودك ماتزيد الصدر ضيقه
لاتسمع للدعاوي والشكاوي
وش يهمك وش صديق من صديقه
مامشالك بالمحاسن والمساوي
رافق اللي فاهم واجب رفيقه
لانخيته جاوبك راعي نخاوي
ـــــ
غربة عمر منها المشاعر عطيبات
ولجل الرجاء جربت كل الطرايق
ورد الامل في زحمة اليأس مامات
يحيه دمعن به رموشي غرايق
بصوتي أجاوب صرخة العمر بآهات
مدام حظي من عناء الوجد عايق
ـــــ
وش حيلة اللي علته داخل الجوف
نار الفراق بوسط صدره تصلى
وش حيلتي ياناس والحال منصوف
منصوف نصفين على اللي تغلى
نصفه يقول أصبر يمكن يحن ويروف
ونصفه يقول اللي تغلى يخلى
_______________
صديقنا الصادق بروحي فديته
وعدونا يخذل ويقهر وينظام
وللاش ولد اللاش لامن لقيته
مع كلاب الضير نرمي له عظام
وأنا معك بمشي بدرب مشيته
سوا سوا لاقلت قدام قدام
ـــــ
من دون ماأقصد ياهوى البال مريت
قدام بابك وأنجبرت أشتكيله
ياباب قله في عذابي تماديت
ومرت على فراقه سنين طويله
شوقي فضحني في عيوني وصديت
الدمع مايرحم وماقويت أشيله
_____________________
العام رجلي بالطويله تعدي
واليوم كني مكتف الرجل تكتيف
ضيعت عمري في أسترح وأستعدي
نوب جزاء ونوب أنقريه وتنظيف
يارجل سجي وياعين لدي
لديار نجد وعاليات المشاريف
ـــــ
خانت الأيام شخص مايخون
ولاهقيت أنه كذا طبع الزمن
كيف أصبر وأعيش مغبون
كيف اداف طالما الحظ أندفن
بس ليه أشكي وأحسب للظنون
وراس مالي تالي الدنيا كفن
ذي بداية والنهاية وش تكون
هو يزول الهم عني ما أظن
ـــــ
سافر حبيبي مابقى غير تذكار
تذكار عين للمحبة سهيره
سافر وقلبي من عنا البعد صبار
مبعد من عيوني وقلبي يديره
أجامل الضحكة وقلبي على نار
والجمر في جوفي تزايد سعيره
ـــــ
عرفت بحياتي لوعت الوقت والحرمان
وعرفت العذاب وتعبت أميز ألوانه
وجلست أذكر الماضي على قول كان وكان
غرام حفظته ياعسى صاحبي صانه
تراك بحياتي نابض القلب والشريان
ودونك حياتي ياهوى البال خسرانه
ـــــ
أوقات أصير وبعض الأوقات ماأصير
عشان أبعطي بس فرصه لغيري
غيري يبيها وأحمد الله أنا غير
مادامني خابر مطاليع طيري
ـــــ
لبيك حاضر
وش اللي تبي تطلبه قلي
قلي وش اللي تبي وأبشر بمطلوبك
بس أنتبه !
لاتناديني وأنا أصلي
أترك صلاتي وألبي
وألتفت صوووووووبك !
____________________
غايتي ومناي بالدنيا رضاك
لو يقولون العرب صابه جنون
لو جفوني من نهوني عن هواك
لو رضيت فراقهم عندي يهون
لو تغيب سنين قلبي مانساك
لو تعذبه المواجع والطعون
حالف ماأنساك لو بعدك هلاك
ومن حفظ عهد المحبة مايخون
ـــــ
هذي رسالة تاصلك في قصيدة
فيها بأعبر لك من القلب بإحساس
أببتدي وياك صفحة جديده
ولا أتركك وأتوب ياشمعة الناس
لا تبتعد عني بديره بعيده
كيف يتحمل غيبتك قلب حساس
ـــــ
وصلك مثل غيم الربيع أستخيله
وأنا على باب المحبة رجاوي
حاولت قربك مالقيت الوسيله
أنا أشهد أني بالمحبة شقاوي
مالي على مايجري اليوم حيله
ولاني على بعد المحبين قاوي
ـــــ
ولعتني يانور عيني وصديت
وخليتني من طول هجرك أعاني
مدري جفاء مدري علينا تغليت
ولا دخل في جوكم شخص ثاني
وأنت الذي في وسط عيني تعليت
وليا ذكرتك داعي الشعر جاني
ماطاب لي زاد ولا مقعد البيت
حتى لذيذ النوم راح وجفاني
_____________________________
ليتك تعرف أن الهوى سهم ذباح
وقلوب عشاق المحبة رقيقه
وليتك تعرف أني ليا شفت رقمك أرتاح
والقلب يسعد يوم يلقى رفيقه
أنا الحزين وباقي الناس بأفراح
وأنا الأسير وخلق ربي طليقه
ـــــ
مايبعدك عني ولا أي مخلوق
وإن غبت يبقى في غيابك خطوره
مثل الشجر مهما رفع هامته فوق
يبقى مصيره مرتبط في جذوره
حنا تخاوينا على سلم وطروق
ياحلو خوة طيبين المشوره
ـــــ
أسأل وأنا كلي من أجلك إجابات
كل الصعايب لأجل عينك سهاله
يضيق صدري لو بقارقك لحظات
وأصير بعدك بألف حاله وحاله
لو كنت غايب وأبعدتك المسافات
لك صاحب ماغبت عن خياله
ـــــ
أنا الذي من بدة الناس أغليك
وأنا الذي عينه تراعي خيالك
وأنا الذي لو تزهمه ماتعداك
وتطلبه في كل حزه عنالك
يالعنبو دنيا تهمك وتشناك
موتي ولا شيء يكدر مزاجك
هذا كلام اللي يعزك ويفداك
ماهو كلام اللي يدور ضياعك
__________________________
العمر من فوق قانونه تعدى
والشباب أقفى على ديمن وهاصي
ياوجودي وجد مطرود يحدى
من جموس أمن الطرق والجيب شاصي
خايفن في حوزته سبعين شدى
إن طرح مضمون في حكم القصاصي
ـــــ
الله ياوقت أجي فيه وأروح
أمشي على شفي وغاية مرادي
واليوم دار الوقت وأصبحت مطروح
في العسكرية ذقت مر الهماجي
العسكرية طوعت كل طحطوح
خلت طويلين الشوارب دجاجي
ـــــ
البارحة كني عن الناس معزول
أنظر نجوم الليل لين أذبحني
ياقلب اللي من هوى الزين متلول
تلت جموس بالنفود أنشبني
خمسة جموس فوقها الحمل مدبول
ضاع الدليله والجموس أقعدني
--------------------------
أتمنا من كل واحد يقرا هذه الرسايل أن يختار الرساله الي تعجبه
ويكتب تعليقه
تحياتي ,,,,,,,,
غرني بالأمل وقتي
وضاعت مني سنيني
أحسب الدنيا مثل أمي
أزعلها وتراضيني
ـــــ
أبكي قصيده وأشبك البيت بالبيت
وأشكي قوافي الليل من كل ضيقه
وأدخل في بحور الشعر لامن تجليت
وأغوص في وسط البحور العميقه
في حبكم لاني بحي ولا ميت
كني كسير الطير ماله طريقه
ـــــ
الزمن يفرض سؤال كل إجاباته محال
السعادة شيء واضح ولامن وحي الخيال
كلنا محد سلم من تعاسه أو ألم
بس من هو اللي فينا من وسط قلبه أبتسم
أنا مو قصدي تشاؤم ولابجراحك أساهم
أنا من قلبي أحاول ألقى بس إنسان فاهم
ـــــ
غربة عمر وفراق ناس عزيزين
وجهي لنجد ودمعتي وسط عيني
لولا الكفر عاكست درب المصلين
وصليت يــــــم نجد لو ركعتيني
ـــــ
أول نهاري دمع عيني عصيته
وتالي نهاري دمع عيني عصاني
أنا الذي من بد حيي هويته
وهو الذي من بد حيي هواني
أنا الذي سم العقارب سقيته
وهو الذي سم الأفاعي سقاني
الله يلعن والدي إن نسيته
والله يلعن والديه إن نساني
ـــــ
دخلت بالحب تصنيفه ورد إعتبار
وأجتزت كل المراحل مرحله مرحله
غلطان توي عرفت إن المحبة دمار
تأثر على حاضر العاشق ومستقبله
سويت مثل العرب الأفغان في قندهار
إن حاربوا مشكل وإن عودوا مشكله
ـــــ
صرت أنا للحب والدمعة أسير
في حياتي يوم راحة ماظهر
مظهري جنه ومضموني هجير
مرقدي تمثيل والواقع سهر
جيت يمك وأنت عزمت المسير
صرت ضدي مع صواديف الدهر
الوداع فراق والموقف مرير
والعزى ماضيك والحاضر قهر
ـــــ
من مواني الليل لعيونك سريت
ودمعتي تحلف علي أهلها
كم بكيت بداخلي لو مابكيت
كبرت همومي وقلبي شلها
كم تناسيتك ولكن مانسيت
لو تغيب الشمس يبقى ظلها
بأنتهي بك مثل مافيك أبتديت
وماسوت عزة زماني وذلها
ـــــ
أنا بدوي وبعيشتي ماتنعمت
ورمز البداوه سيف وللكيف دله
محبوبتي صحراي في حبها همت
أعشق سهلها والرجوم المطله
يكفي إني من البداوه تعلمت
إن الركوع لغير ربي مذله
________
من العين دمعها دايم تهله
والسبب من حب غرو ماصفالي
مترف مملوح فيه الزين كله
كامل حسنه وللرب الكمالي
قلبي المسكين بيدينه يتله
تل جمس بين كثبان الرمالي
حبل وصله شربكه وأزريت أحله
أشهد أنه من قويات الحبالي
ـــــ
أنا الذي من شوف الأحباب محروم
والله يكافي شر زلات الأقدام
قبل أمس مع ربعي سواليف وعلوم
واليوم طاويني هواجيس وهيام
أضحك ضحى قبل أمس وأبكي ضحى اليوم
ياسرع دورات الليالي والأيام
ـــــ
لو هو على زينك بنلقى صبايا
المشكلة في الحب تعمى البصاير
أولاد ناس ولا نحب الوصايا
كلن يرى مفسه يعادل عشاير
ـــــ
شكواك للي طالبه مابعد خاب
ودعواي لك يالله تطول سنينه
كم واحد من الحب منصاب
الحب قاتل ماأحد يقدر يدينه
يادمع عيني لمن تغرب ومن غاب
ياشيب عيني لمن يفارق ضنينه
قلبي عذلته لكن القلب ماتاب
والحب تلعن ساعته وسنينه
ـــــ
أبشتكيلك دامك أعز الأصحاب
شكوى جريح يبتسم من ونينه
القلب ياخلي جريح ومنصاب
خلا دموع العين تنزف حزينه
على هنوف صكوا دونها الباب
من عقب ماحنا ظنين وظنينه
حلفت ماأنساها ولو فوقي تراب
وأنا بوسط القبر لأقول وينه
ـــــ
الليالي شرهتني ودنياي أمحقاء
بين كتمان الحقايق وشرهات الرفيق
والله أني ماتوقعت مدري ماهقاء
ينخدع فيني صديق وغيره في حريق
مستعد أقضي العمر من دون أصدقاء
بس ماأخون الصداقه ويجفاني صديق
ـــــ
مافيك عيب إلا قلبك متيني
وتصد عني والصدود القطيعه
إن كان واصلني فهذي يميني
مبسوطه لك والمواصل شريعه
وإن كان قاطعني يبالله يعيني
مر الفراق ولا حلاوة خديعه
لكن صبري والرجاء واليقيني
وسيلتي عن كل بلوى وجيعه
ـــــ
كان ودك ماتزيد الصدر ضيقه
لاتسمع للدعاوي والشكاوي
وش يهمك وش صديق من صديقه
مامشالك بالمحاسن والمساوي
رافق اللي فاهم واجب رفيقه
لانخيته جاوبك راعي نخاوي
ـــــ
غربة عمر منها المشاعر عطيبات
ولجل الرجاء جربت كل الطرايق
ورد الامل في زحمة اليأس مامات
يحيه دمعن به رموشي غرايق
بصوتي أجاوب صرخة العمر بآهات
مدام حظي من عناء الوجد عايق
ـــــ
وش حيلة اللي علته داخل الجوف
نار الفراق بوسط صدره تصلى
وش حيلتي ياناس والحال منصوف
منصوف نصفين على اللي تغلى
نصفه يقول أصبر يمكن يحن ويروف
ونصفه يقول اللي تغلى يخلى
_______________
صديقنا الصادق بروحي فديته
وعدونا يخذل ويقهر وينظام
وللاش ولد اللاش لامن لقيته
مع كلاب الضير نرمي له عظام
وأنا معك بمشي بدرب مشيته
سوا سوا لاقلت قدام قدام
ـــــ
من دون ماأقصد ياهوى البال مريت
قدام بابك وأنجبرت أشتكيله
ياباب قله في عذابي تماديت
ومرت على فراقه سنين طويله
شوقي فضحني في عيوني وصديت
الدمع مايرحم وماقويت أشيله
_____________________
العام رجلي بالطويله تعدي
واليوم كني مكتف الرجل تكتيف
ضيعت عمري في أسترح وأستعدي
نوب جزاء ونوب أنقريه وتنظيف
يارجل سجي وياعين لدي
لديار نجد وعاليات المشاريف
ـــــ
خانت الأيام شخص مايخون
ولاهقيت أنه كذا طبع الزمن
كيف أصبر وأعيش مغبون
كيف اداف طالما الحظ أندفن
بس ليه أشكي وأحسب للظنون
وراس مالي تالي الدنيا كفن
ذي بداية والنهاية وش تكون
هو يزول الهم عني ما أظن
ـــــ
سافر حبيبي مابقى غير تذكار
تذكار عين للمحبة سهيره
سافر وقلبي من عنا البعد صبار
مبعد من عيوني وقلبي يديره
أجامل الضحكة وقلبي على نار
والجمر في جوفي تزايد سعيره
ـــــ
عرفت بحياتي لوعت الوقت والحرمان
وعرفت العذاب وتعبت أميز ألوانه
وجلست أذكر الماضي على قول كان وكان
غرام حفظته ياعسى صاحبي صانه
تراك بحياتي نابض القلب والشريان
ودونك حياتي ياهوى البال خسرانه
ـــــ
أوقات أصير وبعض الأوقات ماأصير
عشان أبعطي بس فرصه لغيري
غيري يبيها وأحمد الله أنا غير
مادامني خابر مطاليع طيري
ـــــ
لبيك حاضر
وش اللي تبي تطلبه قلي
قلي وش اللي تبي وأبشر بمطلوبك
بس أنتبه !
لاتناديني وأنا أصلي
أترك صلاتي وألبي
وألتفت صوووووووبك !
____________________
غايتي ومناي بالدنيا رضاك
لو يقولون العرب صابه جنون
لو جفوني من نهوني عن هواك
لو رضيت فراقهم عندي يهون
لو تغيب سنين قلبي مانساك
لو تعذبه المواجع والطعون
حالف ماأنساك لو بعدك هلاك
ومن حفظ عهد المحبة مايخون
ـــــ
هذي رسالة تاصلك في قصيدة
فيها بأعبر لك من القلب بإحساس
أببتدي وياك صفحة جديده
ولا أتركك وأتوب ياشمعة الناس
لا تبتعد عني بديره بعيده
كيف يتحمل غيبتك قلب حساس
ـــــ
وصلك مثل غيم الربيع أستخيله
وأنا على باب المحبة رجاوي
حاولت قربك مالقيت الوسيله
أنا أشهد أني بالمحبة شقاوي
مالي على مايجري اليوم حيله
ولاني على بعد المحبين قاوي
ـــــ
ولعتني يانور عيني وصديت
وخليتني من طول هجرك أعاني
مدري جفاء مدري علينا تغليت
ولا دخل في جوكم شخص ثاني
وأنت الذي في وسط عيني تعليت
وليا ذكرتك داعي الشعر جاني
ماطاب لي زاد ولا مقعد البيت
حتى لذيذ النوم راح وجفاني
_____________________________
ليتك تعرف أن الهوى سهم ذباح
وقلوب عشاق المحبة رقيقه
وليتك تعرف أني ليا شفت رقمك أرتاح
والقلب يسعد يوم يلقى رفيقه
أنا الحزين وباقي الناس بأفراح
وأنا الأسير وخلق ربي طليقه
ـــــ
مايبعدك عني ولا أي مخلوق
وإن غبت يبقى في غيابك خطوره
مثل الشجر مهما رفع هامته فوق
يبقى مصيره مرتبط في جذوره
حنا تخاوينا على سلم وطروق
ياحلو خوة طيبين المشوره
ـــــ
أسأل وأنا كلي من أجلك إجابات
كل الصعايب لأجل عينك سهاله
يضيق صدري لو بقارقك لحظات
وأصير بعدك بألف حاله وحاله
لو كنت غايب وأبعدتك المسافات
لك صاحب ماغبت عن خياله
ـــــ
أنا الذي من بدة الناس أغليك
وأنا الذي عينه تراعي خيالك
وأنا الذي لو تزهمه ماتعداك
وتطلبه في كل حزه عنالك
يالعنبو دنيا تهمك وتشناك
موتي ولا شيء يكدر مزاجك
هذا كلام اللي يعزك ويفداك
ماهو كلام اللي يدور ضياعك
__________________________
العمر من فوق قانونه تعدى
والشباب أقفى على ديمن وهاصي
ياوجودي وجد مطرود يحدى
من جموس أمن الطرق والجيب شاصي
خايفن في حوزته سبعين شدى
إن طرح مضمون في حكم القصاصي
ـــــ
الله ياوقت أجي فيه وأروح
أمشي على شفي وغاية مرادي
واليوم دار الوقت وأصبحت مطروح
في العسكرية ذقت مر الهماجي
العسكرية طوعت كل طحطوح
خلت طويلين الشوارب دجاجي
ـــــ
البارحة كني عن الناس معزول
أنظر نجوم الليل لين أذبحني
ياقلب اللي من هوى الزين متلول
تلت جموس بالنفود أنشبني
خمسة جموس فوقها الحمل مدبول
ضاع الدليله والجموس أقعدني
--------------------------
أتمنا من كل واحد يقرا هذه الرسايل أن يختار الرساله الي تعجبه
ويكتب تعليقه
تحياتي ,,,,,,,,